Պատրաստում ենք տնական հալվա՝ մայրիկիս բաղադրատոմսով🍪 Տնական, յուղաբույր անուշ հալվան հայկական սեղանի զարդն ու սիրելի անուշեղենն է բոլոր ժամանակներում: Անհրաժեշտ է՝ Յուղ՝ 70 գրամ 🧈 Ալյուր՝ 100 գրամ Շաքարավազ՝ 90 գրամ Պատրաստման եղանակը՝ Յուղը լցնել չկպչող թավայի մեջ և մարմանդ կրակի վրա թողնել հալվի: Ավելացնել ալյուրը և մեկընդմեջ խառնել այնքան, մինչև գույնը մգանա և դառնա ոսկեգույնին մոտ/գույնն ինքներդ որոշեք, թե ձեզ ինչ երանգ է դուր գալիս, մուգ, թե բաց/: Հենց գազն անջատեք ավելացրեք շաքարավազը և արագ-արագ տրորելով խառնեք՝ ստանալով համասեռ զանգված: Տաք զանգվածը արագ տեղափոխում ենք մատուցվող ափսեի մեջ, սեղմում ենք լավ, որ պնդանա: Զգույշ եղեք. այս պահին զանգվածը հանգիստ կարող է այրել ձեռքերն ու մատները: Ես հարթեցնում եմ կամ գդալով, կամ սիլլիկոնե ձեռնոցներով, կամ որևէ այլ հարմար, հարթ մակերեսով: Գեղեցիկ տեսք տալուց հետո, քանի դեռ տաք է վրան պատառաքաղով նախշեր ենք անում և ցանկության դեպքում ընկույզ շարում: ‼️ Ոչ մի դեպքում միացրած կրակի վրա չավելացնեք շաքարավազը, այդպես գնդիկներ կառաջանան: Անուշ լինի😍 ©lilits_food_blog